Ndërhyrje diagnostikuese dhe terapeutike në fushën e psikologjisë në Qendrën e Kujdesit Shëndetësor Parësor "Dr. Danijela"
Procedurat diagnostike
VLERËSIMI PSIKOLOGJIK
Procesi i vlerësimit psikologjik zakonisht rekomandohet nga një psikiatër, neurolog ose specialist tjetër, me qëllim vlerësimin e funksionimit psikologjik të individit.
Vlerësimi siguron të dhëna të detajuara të cilat udhëzojnë mbi gjendjen mendore.
Raporti psikologjik përdoret për qëllime klinike dhe shërben për rekomandime, ndërhyrje ose mbështetje të mëtejshme.
VLERËSIMI NEUROPSIKOLOGJIK
Proces diagnostikues që zakonisht realizohet me rekomandim nga neurologu, psikiatri ose profesionistë të tjerë të shëndetit, me qëllim ekzaminimin e funksionimit kognitiv dhe identifikimin e pasojave të mundshme nga dëmtimet apo çrregullimet neurologjike. Ky proces fokusohet në vlerësimin e domeneve kryesore kognitive, duke përfshirë vëmendjen, kujtesën, gjuhën, funksionet ekzekutive, aftësitë vizuo-hapësinore dhe statusin afektiv.
Vlerësimi realizohet përmes baterive të testeve të standardizuara neuropsikologjike, të cilat mundësojnë analizë objektive të statusit kognitiv të individit. Pas përpunimit dhe interpretimit të rezultateve, psikologu përgatit raportin neuropsikologjik, i cili shërben si bazë për marrjen e vendimeve diagnostike dhe për planifikimin e ndërhyrjeve të mëtejshme.
VLERËSIMI SCREENING I STATUSIT KOGNITIV
Vlerësim klinik i shkurtër dhe i strukturuar. Shërben për identifikimin e hershëm të çrregullimeve të mundshme te funksioneve kognitive. Rezultatet përfundimtare udhëzojnë në shenjat fillestare paralajmëruese të çrregullimeve neurokognitive dhe orienton drejt nevojës për vlerësime më të thelluara.
Vlerësimi i ADHD dhe trajnimi kognitiv
Procesi diagnostikues і ADHD-së është një vlerësim klinik gjithëpërfshirës që ndihmon në identifikimin e pranisë së simptomave të mungesës së vëmendjes, hiperaktivitetit, impulsivitetit dhe statusit afektiv.
Vlerësimi përfshin intervistë klinike dhe një bateri testesh kognitive për vlerësim objektiv. Bazuar në rezultatet e fituata, përgatitet një plan i individualizuar per trajnim kognitiv.
PSIKOTERAPIA
Psikoterapia individuale është një proces afatgjatë përmes të cilit klientët punojnë në një mjedis të sigurt, të kujdesshëm dhe konfidencial për të eksploruar ndjenjat, bindjet dhe sjelljet e tyre, për të identifikuar aspektet e jetës që dëshirojnë të ndryshojnë, dëshirojnë të përmirsojnë, për të kuptuar më mirë veten dhe për të vendosur qëllime dhe objektiva personale.
Shërbimet psikoterapeutike ofrohen në këto fusha:
-
CBT – Terapia Kognitive-Biheviorale për ankthin dhe depresionin.
Një qasje psikoterapeutike e strukturuar që ndihmon individët të identifikojnë dhe të ndryshojnë mendimet dhe sjelljet negative që shkaktojnë vështirësi emocionale. - REKBT për fëmijë dhe adoleshentë. - Qasje psikoterapeutike për punë me fëmijë dhe adoleshentë që shfaqin probleme të ndryshme emocionale, ndërhyrje për vështirësi tipike të zhvillimit dhe zhvillim të aftësive për motivimin e fëmijës dhe familjes drejt ndryshimit.
- EMDR - Qasje psikoterapeutike e bazuar në neuroshkencë që ndihmon trurin të përpunojë dhe të çlirojë përvojat e papërpunuara që kanë mbetur “të bllokuara” në sistemin nervor. Është një teknikë psikoterapeutike për trajtimin e traumës, PTSD, ankthit të përgjithësuar, sulmeve të panikut, fobive, depresionit dhe përvojave të tjera të vështira.
KËSHILLIMI PSIKOLOGJIK
Seancat e këshillimit fokusohen në mënyrën se si individi funksionon në jetën profesionale dhe personale, duke e ndihmuar atë të kuptojë dhe të zgjidhë problemet aktuale.
Ndryshe nga psikoterapia, këshillimi eshtë proces më afatshkurtë që synon mbështetjeje psikologjike dhe orientimin e klientit në përballimin e sfidave aktuale.
Struktura e shërbimeve:
- Konsultë fillestare (intervistë klinike)
- Analiza e historisë personale
- Realizimi i vlerësimeve psikologjike dhe neuropsikologjike bëhet përmes administrimit
- Analiza e rezultateve përfundimtare
- Përgatitja e raportit psikologjik dhe interpretimi i rezultateve të fituara nga testetimet
- Rekomandime profesionale
- Zhvillimi i një plani për mbështetje të vazhdueshme psikologjike, sipas nevojave të individit
GRUPMOSHAT
Shërbimet janë të disponueshme për persona nga mosha 5 deri mbi 80 vjeç.
Të gjitha shërbimet psikologjike të ofruara në klinikën tonë kryhen në një afat kohor specifik dhe të strukturuar sipas nevojës.
Psikologe
Edona Murtezani
psikologe e licencuar dhe magjistër në këshillim psikologjik
- Certifikime dhe Trajnime Profesionale
- Psikodiagnostikë klinike për fëmijë,
- Psikodiagnostikë klinike për adoleshent dhe të ritur.
- Neuropsikologji klinike dhe diagnostikë
- EMDR terapi (niveli 1&2) dhe edukim mbi Psikotraumatogji
- Vlersim ADHD dhe në rehabilitimin kognitiv
- CBT për Ankth dhe Depresion
Prioritetet tona
- Privatësia dhe konfidencialiteti
- Ne udhëhiqemi nga parime morale njerëzore dhe shumë etike.
- Kujdes gjithëpërshfirës psikologjik
- Mbështetje në ambient pa paragjykime
