Епилепсијата претставува болест  која се карактеризира со функционално растројство  во електричната активност на кората на Големиот мозок и има повторувачки  карактер. Се карактеризира со повторувачки напади кои се јавуваат без најава, секогаш со исти симптоми,  различни и посебни кај секој пациент. Честотата на нападите е исто така различна и истите влијаат на квалитетот на животот на пациентот и се причина за низа пропратни заболувања кај овие пациенти (анксиозност, депресија, повреди, итн..).

Како да постапите ако се најдете до лице со епилептичен напад:

• Останете смирени
• Поставете го пациентот во спасувачка позиција , на страна, во која не може јазикот да направи попречување на дишните патишта
• Поставете му мека подлога под главата
• Отстранети ги сите предмети кои би можеле да го повредат
• Одбележете го течното време кога нападот започнал
• Доколку нападот трае подолго од 5 минути или ако пациентот не се освестува по завршување на нападот повикајте Итна медицинска помош

За време на  епилептичниот напад  се забранува:

• Поставување на било какви предмети во уста
• Давање на пијалоци или храна
• Обиди за смирување на нападот со примена на физичка сила