Кај одредени нејасни напади, неврологот определува потреба од подолготрајна ЕЕГ-регистрација, која трае повеќе часови, по потреба и неколку дена, во комбинација со видео запис на пациентот (видео –ЕЕГ мониторинг), потребна е специфична припрема.

Се изведува во посебен изолиран кабинет, во лежечка состојба. Снимањето го прави сестра, под надзор на невролог, кој го издава резултатот, веднаш по снимањето. Пациентот треба да биде со чиста коса и психички припремен дека треба да ги следи упатствата од персоналот, да биде спокоен и релаксиран за време на снимањето.

Се става специјална силиконска капа на главата на пациентот, на која се прицврстуваат специјални електроди, се користи гел и танки кабли, се изведува со затворени очи кои повремено се отвораат-затвораат, се стимулира со трепкање на светлина и подлабоко дишење. Дава многу корисни податоци за пациентите кои имаат: нејасни настапи на поматување или губење на свест, епилепсија, главоболка-мигрена, вртоглавица, квалитативно нарушена свест со конфузни состојби, заборавност …