TCCD BUBBLE тест

Посебна процедура за анализа на циркулацијата во големите крвни садови во мозокот се издвојува т.н. TCCD тест.

Во дадени состојби потребно е мозочната циркулација и срцето да се прегледаат со т.н тест на меурчиња или PFO тест. 

Тестот се изведува со инјектирање на контраст (физиолошки раствор со меурчиња воздух), во венските крвни садови на едната рака, потоа се следат звучни бранови преку сонда поставена на средната мозочна артерија.

Регистрирањето на специфичните звучни бранови покажува дека меурчињата достигнале во артериските крвните садови на мозокот, кое упатува на дефект на преградата помеѓу шуплините на срцето.

Ова е една од причините за:

• мозочен удар,
• минливи епизоди на мал мозочен удар,
• чести главоболки заради намалено снабдување на мозокот со кислород.